BIMUz
Лентадаги тугма: Claude Desktop

BIMUz AI — Claude Desktop орқали (MCP)

Claude Desktop'даги Claude BIMUz плагини билан бевосита ишлайди: очиқ моделни ўқийди (элементлар, сатҳлар, арматура, листлар, огоҳлантиришлар) ва BIMUz амалларини бажаради — ўқлар, колонна, балка, плита, девор, фундамент, арматуралаш. Уланиш MCP сервер орқали; у BIMUz ўрнатувчиси билан келади. «Claude Desktop» тугмаси уланиш ҳолатини текширади ва етишмаган қадамни таклиф қилади.

Олдиндан тайёрлаш

  • Плагин қатъий равишда ADSK шаблонида ишлайди: лойиҳа ADSK шаблони асосида яратилган, ADSK параметрлари, оилалари ва жадваллари мавжуд бўлиши шарт. Бошқа шаблонда натижа нотўғри чиқиши ёки буйруқ ишламаслиги мумкин.
  • Фаол BIMUz лицензияси ёки синов муддати бўлиши керак.
  • Claude Desktop ўрнатилган ва Claude аккаунтингиз билан кирилган бўлиши керак (claude.ai/download). Claude Desktop ва унинг тарифи BIMUz обунасига кирмайди.
  • BIMUz 1.0.10.95 ёки янгироқ версия ўрнатувчи (BIMUz-Setup) орқали ўрнатилган бўлиши керак: MCP сервер фақат ўрнатувчи билан келади. Плагин ичидаги автоянгиланиш уни ўрнатмайди.

Ишлаш тартиби

  1. license.bimuz.uz/download дан BIMUz ўрнатувчисини юклаб олинг. Revit'ни ёпиб, ўрнатувчини ишга туширинг. «BIMUz AI агентини Claude Desktop'га улаш (MCP сервер)» белгиси ёқилган бўлсин — у сукут бўйича ёқиқ.

  2. Claude Desktop'ни тўлиқ ёпинг (вазифалар панелидаги трей иконкасидан «Quit») ва қайта очинг. Шунда у BIMUz серверини кўради.

  3. Revit'ни очинг ва лойиҳани очинг. BIMUz лентасидаги «Бўлимлар» панелида «Claude Desktop» тугмасини босинг. Тўртала текширув ✔ бўлса, ҳаммаси тайёр. ✖ бўлса, ойнадаги таклифни босинг: ўрнатувчини юклаб олиш, Claude Desktop'га улаш ёки Claude Desktop'ни юклаб олиш.

  4. Claude Desktop'да янги суҳбат очиб ёзинг: «bimuz_status ни чақир». Claude Revit версияси, BIMUz версияси, лицензия ва очиқ лойиҳа номини қайтаради — уланиш ишлаяпти.

  5. Энди Claude'га оддий тилда вазифа беринг: «моделда нечта колонна бор?», «арматура ҳисоботини диаметр бўйича чиқар», «1–5 ва А–Г ўқларини 6 м қадам билан қўй», «колонналарни Ø16, хомут Ø8 қадам 200 билан арматурала». Моделни ўзгартирадиган амалдан олдин Claude режани кўрсатади. Бутун режа битта амал бўлиб бажарилади ва битта Ctrl+Z билан қайтади.

Натижа

  • Claude Desktop'даги Claude очиқ Revit моделини ўқийди ва BIMUz буйруқларини сизнинг номингиздан бажаради. Бир нечта Revit очиқ бўлса, охирги фаол ойнадаги лойиҳа билан ишлайди.

Қоидалар ва маслаҳатлар

  • Арматура диаметри ва қадамини Claude ўзи ўйлаб топмайди — айтмасангиз, сиздан сўрайди. Бурчак стерженлари диаметрини айтиб, оралиқ стерженларникини айтмасангиз, улар бурчакдагилар билан бир хил олинади.
  • Claude'да BIMUz воситалари кўринмаса: Claude Desktop'ни трейдан «Quit» қилиб қайта очинг ва Revit'да «Claude Desktop» тугмаси билан ҳолатни текширинг.

Revit'да BIMUz тугмаси устида F1 босилса, шу саҳифа очилади.