Лентадаги тугма: Фундамент ҳисобиФундамент ҳисоби (ШНҚ 2.03.01-24)
Алоҳида (устунли) фундаментда грунт босими, подошва тўри ва тешиб ўтишни, тасмасимон фундаментда грунт босими ва кўндаланг арматурани, фундамент плитасида — плита каби моментлардан арматурани ҳисоблайди. Арматура BIMUz фундамент модулининг тегишли режими билан қўйилади.
Олдиндан тайёрлаш
- Лойиҳада «Ҳисоб параметрлари» бир марта бажарилган бўлсин — кучлар ёзиладиган параметрлар шундан кейин пайдо бўлади.
- Алоҳида фундамент: BIMUZ_FND_N_KN, BIMUZ_FND_MX/MY_KNM; бўш бўлса — устидаги колоннанинг BIMUZ_N/MX/MY_DESIGN параметрлари автоматик олинади.
- Тасмасимон: BIMUZ_FND_N_KN_M ёки устидаги деворнинг BIMUZ_WALL_N_KN_M. Грунт: BIMUZ_SOIL_R_KPA ёки созламалардаги қиймат.
Ишлаш тартиби
Фундаментларни танланг (ёки танламасдан «Фундамент ҳисоби» тугмасини босинг — элементларни кўрсатиш сўралади).
«ЛИРА ҳисоби» панелида «Фундамент ҳисоби» тугмасини босинг.
Созламалар ойнасида материаллар ва ҳисоб шартларини текширинг, «Ҳисоблаш»ни босинг.
Натижалар жадвалида ҳар элемент учун кучлар, талаб (As), арматура таклифи ва ҳолат кўрсатилади. Қизил қатор — текширув ўтмаган (сабаби «Ҳолат» устунида). Арматураланадиганларини белгиланг.
«Белгиланганларни арматуралаш»ни босинг — BIMUz арматуралаш модулининг одатий ойнаси очилади (ҳимоя қатлами, илмоқлар, ҳужжатлар). «Арматуралаш»ни босинг: диаметр, сон ва қадам ҳар элементга ҳисоб бўйича қўйилади.
Созламалар
Материаллар
| Майдон | Тавсиф |
|---|---|
| Бетон синфи | B15–B50. Rb, Rbt, Eb ШНҚ 2.03.01-24 жадвалидан олинади. |
| Бўйлама арматура синфи | A240, A300, A400, A500, A600 (сукут A500). |
| Ҳимоя қатлами, мм | Стержень юзасигача. h0 шундан ва стержень диаметридан ҳисобланади. |
Грунт
| Майдон | Тавсиф |
|---|---|
| Грунтнинг ҳисобий қаршилиги R, кПа | BIMUZ_SOIL_R_KPA бўлмаса олинади. Текширув: p_ўрт ≤ R, p_max ≤ 1,2R, четда кўтарилиш йўқлиги. |
| Ўртача γf | Ҳисобий юкдан норматив босимга ўтиш учун (сукут 1,15). |
| Жойлашув чуқурлиги, м | Фундамент ва устидаги грунт оғирлиги 20 кН/м³ × чуқурлик деб олинади. |
Натижа
| Майдон | Тавсиф |
|---|---|
| Натижани BIMUZ_HISOB_NATIJA параметрига ёзиш | Тасдиқлангач ҳар элементга сана, талаб, таклиф ва ҳолат ёзилади — спецификацияда кўрсатиш мумкин. |
Натижа
- Арматура BIMUz модули орқали қўйилади — унинг спецификация, марка ва ҳужжатлари билан. Ҳисоб фақат кучайтиради: модул созламаси етарли бўлса, ўзгармайди.
- Ҳисоб натижаси элементнинг BIMUZ_HISOB_NATIJA параметрида сақланади.
- Майдон етмаса, «Ҳолат»да керакли подошва майдони (ёки эни) кўрсатилади; тешиб ўтиш ўтмаса — етишмаган куч.
Қоидалар ва маслаҳатлар
- Колонна фундамент устида топилмаса, тешиб ўтиш текширилмайди — колоннанинг асоси фундамент юқорисига яқин бўлсин.
- Бу дастлабки (текширув) ҳисоби: натижани ЛИРА-САПР ёки қўл ҳисоби билан солиштиринг; лойиҳа қарори муҳандисда қолади.
Revit'да BIMUz тугмаси устида F1 босилса, шу саҳифа очилади.