Лентадаги тугма: Тешик кесиш

MEP учун тешик кесиш

Қувур, ҳаво қувури, кабел лотоки ва трубалар девор ёки плитадан ўтган жойларни топади ва актив моделдаги девор ва плиталарда дарров тўғри бурчакли тешик кесади. Тешик ўлчами MEP кесимига зазор қўшиб, белгиланган қадамга яхлитлаб олинади. MEP элементлари Revit link'да бўлса ҳам текширилади.

Олдиндан тайёрлаш

Команда фақат лойиҳа файлида ишлайди.
Тешик кесиладиган девор ва плиталар актив моделда бўлсин. Деворлар оддий (Basic) ва тўғри бўлиши керак — витраж ва эгри деворларда тешик кесилмайди.
MEP актив моделда ёки юкланган Revit link'да бўлиши мумкин (масалан, АР моделида MEP link'и).
«Фақат танланганлар» режими учун MEP элементларини олдиндан танланг.

Ишлаш тартиби

«MEP» панелида «Умумий» рўйхатини очинг ва «Тешик кесиш» ни танланг.
«Текшириладиган MEP» дан қамровни танланг.
«MEP турлари» ва «Қаерда тешик» гуруҳларида керакли пунктларни белгиланг.
Зазор ва яхлитлаш қадамини киритинг.
«Тешик кесиш» тугмасини босинг. Якуний ойнада деворлар ва плиталардаги тешиклар сони, ўтказиб юборилган ва кесиб бўлмаган жойлар кўрсатилади.

Созламалар

Қамров

Майдон	Тавсиф
Текшириладиган MEP	«Бутун модел», «Фақат актив кўринишдагилар» ёки «Фақат танланганлар (N та)».

MEP турлари

Майдон	Тавсиф
Қувурлар (Pipe) / Ҳаво қувурлари (Duct) / Кабел лотоклари / Трубалар (Conduit)	Қайси MEP категориялари текширилади (ҳаммаси стандарт ёқилган).

Қаерда тешик

Майдон	Тавсиф
Деворлар / Плиталар (перекрытие)	Деворда горизонтал ва қия MEP учун, плитада тик ва қия MEP учун тешик кесилади.

Қамров

Майдон	Тавсиф
Revit Link'лардаги MEP ни ҳам текшириш	Link бўлса, стандарт ёқилган. «Фақат танланганлар» режимида кўринмайди.

Ўлчам

Майдон	Тавсиф
Зазор (ҳар томондан), мм	MEP кесимига ҳар томондан қўшилади (стандарт 50 мм, 0–500).
Ўлчамни яхлитлаш, мм	Тешик ўлчами шу қадамга каррали қилиб юқорига яхлитланади (стандарт 10 мм, 1–100).

Натижа

Деворларда — девор текислигида тўғри бурчакли тешик (Opening): эни MEP эни/бурчак косинуси + 2×зазор, баландлиги MEP баландлиги/қиялик + 2×зазор.
Плиталарда — квадрат тешик: томони MEP нинг катта ўлчами + 2×зазор (қия ўтишда катталаштирилади).
Оддий Revit огоҳлантиришлари автоматик ёпилади.

Қоидалар ва маслаҳатлар

Тешиклар фақат актив моделдаги конструкцияларда кесилади — link'даги девор ва плиталарга тешик вазифасини беринг («Тешик вазифаси» буйруғи).
Деворга деярли параллел қувурлар ва эгри деворлар ўтказиб юборилади; тешик девор/плита чегарасидан чиқса, у кесилмайди — сони якуний ойнада кўрсатилади.
Тешик бор жойда девор/плита геометриясида кесишув қолмайди, шунинг учун у ерга қайта тешик кесилмайди — буйруқни қайта ишга тушириш хавфсиз.
Тешиклар тўғридан-тўғри конструкцияни ўзгартиради — АР/КР бўлими билан келишилган ҳолда ишлатинг.

Revit'да BIMUz тугмаси устида F1 босилса, шу саҳифа очилади.