Лентадаги тугма: Балка — балкаБалка — балка туташуви
Бир ўқдаги икки балка учма-уч бўлса — стык: иккита пластина ва улар орқали болтлар. Балкалар кесишса — иккинчи даражали балка учида асосий балка стенкасига пластина (балка — колонна каби). Туташув тури автоматик аниқланади.
Олдиндан тайёрлаш
- Колонналар «Несущие колонны», балка ва боғлагичлар «Каркас несущий» тоифасида бўлсин (масалан ADSK металл оилалари).
Ишлаш тартиби
«Балка — балка»ни босинг, созламаларни текширинг ва «Танлашга ўтиш →»ни босинг.
Иккита балкани навбат билан танланг; Esc — тугатиш. Иккинчи даражали балка — учи бошқа балка ўқига яқин бўлгани.
Созламалар
Пластина
| Майдон | Тавсиф |
|---|---|
| Қалинлиги, мм | Пластина қалинлиги. |
| Ўлчамлари кесимдан (авто) | Ёқилса, пластина ўлчами элемент кесимидан олинади ва «Кесимдан чиқиши» қадар катталаштирилади; ўчиқ бўлса — «Эни» ва «Баландлиги» бўйича. |
| Пўлат маркаси | Масалан С345. Тавсифга ва КМ спецификациясидаги «марка металла» устунига ёзилади. |
Болтлар
| Майдон | Тавсиф |
|---|---|
| Диаметри, синфи | M12…M48 ва мустаҳкамлик синфи (масалан 8.8). |
| Жойлашуви автоматик | Ёқилса, болтлар сони ва қадами кесимдан танланади; ўчиқ бўлса — «Қаторлар» ва «Устунлар» бўйича, четгача масофа сақланади. |
| Тешик марказидан четгача, тешик зазори | Четгача масофа (камида 1,2d) ва тешик диаметри d + зазор. |
Пайванд
| Майдон | Тавсиф |
|---|---|
| Пайванд чокларини яратиш, катет | Бурчак чоклари учбурчак кесимли элемент сифатида; катет пластина қалинлигининг 1,2 баробаридан ошмаслиги керак. |
Натижа
- Стык: иккита пластина, болтлар ва ҳар балкага пайванд. Иккинчи даражали балка: асосий балка стенкаси юзасида пластина, болтлар стенка орқали.
Қоидалар ва маслаҳатлар
- Ойнадаги охирги қийматлар ҳар тур учун %AppData%\BIMUz\Metall_*.txt файлида сақланади; «Автоматик туташув» шу қийматларни ишлатади.
- Лойиҳада ADSK КМ параметрлари бўлса, ҳар пўлат қисм «КМ_Спецификация металлопроката» жадвалларига автоматик қўшилади («Спецификация» саҳифасига қаранг).
- Стык учун балкалар ўқлари орасидаги бурчак 15° дан кичик ва учлари 500 мм гача яқин бўлиши керак.
Revit'да BIMUz тугмаси устида F1 босилса, шу саҳифа очилади.