Перемычка — моделлаштириш ва арматуралаш
Ғишт деворлардаги эшик ва деразалар устига монолит перемычка («Несущий каркас») қўяди ва шу ойнанинг ўзида арматуралайди. Эни — ғишт қатлами қалинлиги, баландлиги — сиз киритасиз, узунлиги — проём кенглиги ва иккала томонга таяниш. Перемычка тури асос оиладан плагиннинг ўзи яратади. Газоблок ва бошқа деворлар ўтказиб юборилади.
Олдиндан тайёрлаш
- Плагин қатъий равишда ADSK шаблонида ишлайди: лойиҳа ADSK шаблони асосида яратилган, ADSK параметрлари, оилалари ва жадваллари мавжуд бўлиши шарт. Бошқа шаблонда натижа нотўғри чиқиши ёки буйруқ ишламаслиги мумкин.
- Лойиҳада эни ва баландлиги ўзгартириладиган «Несущий каркас» оиласи бўлиши керак (масалан ADSK_Балка_Бетон_Прямоугольная). Плагин ундан «BIMUz_Перемычка ЭниxБаландлик» турини ўзи яратади.
- Девор ғишт эканлиги материал номидан аниқланади: «кирпич», «ғишт», «кладка» ёки «brick». «Газоблок», «газобетон», «пенобетон», «ячеистый» бўлса — перемычка қўйилмайди.
- Арматуралаш учун лойиҳада арматура турлари (RebarBarType) бўлсин.
Ишлаш тартиби
Деворларни ёки эшик/деразаларни танланг (девор танланса — унинг барча проёмлари олинади). «Бошланғич элементлар» панелида «Перемычка»ни босинг. Олдиндан танланмаган бўлса, плагин танлашни сўрайди — танлаб «Готово»ни босинг.
Ойнада асос оилани, перемычка баландлигини ва таянишни текширинг.
«Арматуралаш» белгиланган бўлса — юқори ва пастки стерженлар тури ва сонини, хомут тури ва қадамини танланг. Арматура рўйхатида сон ёзиб танлаш мумкин: «12» — Ø12, «6» — Ø6.
«Яратиш»ни босинг. Якунда нечта перемычка яратилгани ва арматураланганини кўрсатувчи ҳисобот чиқади.
Созламалар
Перемычка
| Майдон | Тавсиф |
|---|---|
| Асос оила | Эни ва баландлиги ўзгартириладиган «Несущий каркас» оиласи. Тўғри бурчакли монолит балка рўйхатда биринчи туради. |
| Баландлиги, мм | Сукут бўйича 225 мм. Эни автоматик — ғишт қатлами қалинлиги. |
Таяниш
| Майдон | Тавсиф |
|---|---|
| Проём кенглиги чегараси / кичик / катта | Проём 1500 мм дан кичик бўлса — ҳар томонга 250 мм, 1500 мм ва ундан катта бўлса — 300 мм. |
Арматура
| Майдон | Тавсиф |
|---|---|
| Юқори / Пастки / Хомут | Стержень тури ва сони (камида 2 та), хомут тури ва қадами. Сукут: Ø12 A500, хомут Ø6 A240, қадам 200 мм. |
Қўшимча
| Майдон | Тавсиф |
|---|---|
| Устида балка бор проёмларни ўтказиб юбориш | Проём устида аллақачон балка ёки перемычка бўлса — янгиси қўйилмайди. |
Натижа
- Ҳар проём устида «BIMUz_Перемычка ЭниxБаландлик» турли балка: ости — проём тепасида, ғишт қатлами ўртасида. Перемычка деворни кесади (бирлаштириш тартибида биринчи).
- Арматура: юқори ва пастки стерженлар, хомутлар; марка, «Раздел» ва позиция берилади — ВРС ва спецификацияларга тушади.
Қоидалар ва маслаҳатлар
- Қайта таҳрирлаш: проём ёки деворни танлаб буйруқни қайта ишга туширинг ва «Таҳрирлаш»ни танланг — эски перемычка (арматураси билан) ўчирилади, олдинги созламалар ойнада тикланади, янгиси яратилади. Олдинги версияда яратилганлар ҳам тур номидан топилади.
- Фақат арматурасини ўзгартириш учун перемычкани танлаб «Балка арматуралаш» → «Таҳрирлаш»дан фойдаланинг.
Revit'да BIMUz тугмаси устида F1 босилса, шу саҳифа очилади.