BIMUz
Лентадаги тугма: ТЭП

ТЭП — техник-иқтисодий кўрсаткичлар

Турар жой биносининг техник-иқтисодий кўрсаткичларини моделдан йиғади: қаватлар сони, қурилиш майдони, бино умумий майдони, қурилиш ҳажми, квартиралар сони турлари бўйича, яшаш ва умумий майдонлар, МОП, K1 ва K2 коэффициентлари. Натижа Revit'нинг «BIMUz — ТЭП» калит жадвалига ёзилади — уни листга одатий жадвал каби қўясиз.

Олдиндан тайёрлаш

  • Аниқ квартира кўрсаткичлари учун аввал «Квартирография»ни бажаринг. Рақамлар бўлмаса, квартиралар эшиклар бўйича автоматик аниқланади (ойнада огоҳлантириш чиқади).
  • Бино майдони ва ҳажми перекрытиелар (Floor) ва функцияси «Наружные» бўлган деворлардан ҳисобланади — улар моделда тўғри қаватларга боғланган бўлсин.

Ишлаш тартиби

  1. Архитектура панелида «ТЭП» тугмасини босинг.

  2. Ойнада кўрсаткичлар жадвали очилади. Сариқ катаклар — моделдан тахминий ҳисобланган қийматлар: текширинг ва керак бўлса тўғриланг (номи, бирлиги ва қийматини таҳрирлаш мумкин).

  3. «Нусха олиш (Excel учун)» — жадвални буферга олади, Excel'га Ctrl+V билан қўйинг.

  4. «Жадвалга ёзиш» — «BIMUz — ТЭП» калит жадвали яратилади (ёки янгиланади) ва очилади. Қийматларни жадвалнинг ўзида ҳам ўзгартириш мумкин. Жадвални листга судраб қўйинг.

Натижа

  • Жадвал устунлари: № / Наименование показателя / Ед. изм. / Значение (10 / 125 / 20 / 30 мм). Ҳар кўрсаткич — калит жадвалнинг бир қатори.
  • Жадвал «Площади» категориясига боғланади — хоналар хоссаларига қўшимча параметр қўшилмайди.
  • Буйруқ қайта ишга туширилса, жадвал моделдан янгидан тўлдирилади — жадвалда қўлда ўзгартирилган қийматлар ўчади.
  • K1 = яшаш майдони / квартиралар майдони; K2 = квартиралар майдони / бино умумий майдони.

Қоидалар ва маслаҳатлар

  • Ер ости қаватлари — белгиси ±0,000 дан паст бўлган, хоналари бор қаватлар; уларнинг ҳажми алоҳида кўрсатилади.
  • Перекрытиелар бўлмаса, бино майдони хоналар ва ташқи деворлардан тахминий олинади — бу ҳақда ойнада изоҳ чиқади.

Revit'да BIMUz тугмаси устида F1 босилса, шу саҳифа очилади.