Лентадаги тугма: Лист дубликаториЛистларни нусхалаш
Буйруқ танланган листларни кўринишлари, жадваллари, легендалари ва штамп параметрлари билан N марта нусхалайди. Янги листлар рақами ва номига қўшимча қўшилади.
Олдиндан тайёрлаш
- Лойиҳада листлар бўлиши керак, акс ҳолда «Лойиҳада листлар топилмади.» хабари чиқади.
- Диспетчер проектида олдиндан белгиланган листлар ва актив лист рўйхатда дастлаб белгиланади.
Ишлаш тартиби
BIMUz лентасида «Лист дубликатори» тугмасини босинг.
«BIMUz — Лист дубликатори» ойнаси очилади. «Листлар» рўйхатида нусхаланадиганларни белгиланг.
«Созламалар» да нусхалар сони, кўринишлар нусхалаш усули ва қўшимчаларни киритинг.
«Нусхалаш» тугмасини босинг. Ҳисобот чиқади.
Созламалар
Листлар
| Майдон | Тавсиф |
|---|---|
| Листлар рўйхати | Ҳар бир лист «рақам — ном» кўринишида. Камида биттаси белгиланиши керак: «Камида битта листни белгиланг.» |
Созламалар
| Майдон | Тавсиф |
|---|---|
| Нусхалар сони | Дастлаб 1. Бутун сон, камида 1 ва кўпи билан 50 («Бир марта 50 тадан кўп нусха яратиб бўлмайди.»). |
| Кўринишлар | «Детализация билан нусха» (дастлаб), «Боғлиқ (Dependent) нусха» ёки «Фақат вид (детализациясиз)». Кўриниш танланган усулда нусхаланмаса, ҳисоботга ёзилади. |
| Жадвалларни ҳам нусхалаш (белгиланмаса — ўша жадвал қўйилади) | Дастлаб ёқилган. Ёқилса, листдаги жадваллар нусхаланади ва «<ном> — <янги лист рақами>» деб аталади; ўчирилса, ўша жадвалнинг ўзи янги листга қўйилади. |
| Рақам қўшимчаси | Дастлаб «.». Янги лист рақами = асл рақам + қўшимча + нусха рақами (5.1, 5.2). Банд бўлса охирига «-2» … қўшилади. |
| Ном қўшимчаси | Дастлаб «(нусха)». Янги лист номи = асл ном + қўшимча (нусхалар 1 тадан кўп бўлса, нусха рақами ҳам қўшилади). Бўш бўлса ном ўзгармайди. |
Тугмалар
| Майдон | Тавсиф |
|---|---|
| Нусхалаш | Текширади ва нусхалашни бошлайди. |
| Бекор қилиш | Ойнани ёпади. |
Натижа
- Янги лист асл листдаги биринчи штамп тури билан яратилади; штампнинг ёзиш мумкин бўлган параметрлари (номи ва тури мос) кўчирилади. Листнинг ўз параметрлари (Разработал ва ш.к.) кўчирилмайди.
- Кўринишлар нусхаланиб, «<ном> — <янги лист рақами>» деб номланади ва асл жойига қўйилади (viewport тури сақланади). Легендалар нусхаланмайди — ўзи қўйилади.
- Ҳисобот: «Яратилди: N та лист», «M та лист × K нусха.»; қўшимча маълумотда нусхаланмаган/қўйилмаган кўринишлар ва хатолар (30 тагача).
Қоидалар ва маслаҳатлар
- Ҳар бир нусха алоҳида транзакцияда бажарилади; хато чиқса шу нусха қайтарилади, қолганлари сақланади. Ҳаммаси бир Undo билан қайтарилади.
- Матн, чизиқ ва бошқа аннотациялар (кўринишдан ташқари) нусхаланмайди — текшириб чиқинг.
- Нусхалар кўп бўлса, листнинг кўринишлари ҳам кўпаяди — «Фақат вид» ёки «Боғлиқ» ҳажмни камайтиради.
Revit'да BIMUz тугмаси устида F1 босилса, шу саҳифа очилади.