BIMUz
Лентадаги тугма: ВРС калибровка

ВРС жадвалида бўш арматура устунларини яшириш

Буйруқ очиқ турган ВРС (ведомость расхода стали) жадвалида диаметр устунлари ва «Итого» устунини текширади: ҳамма қаторда 0 ёки бўш бўлган устунларни яширади, қиймат пайдо бўлган устунларни қайта очади. Ойна очилмайди.

Олдиндан тайёрлаш

  • ВРС жадвали актив кўриниш бўлиши керак. Жадвал бўлмаса «Аввал ВРС жадвалини очинг ва плагинни ишга туширинг.» хабари чиқади.
  • Жадвал ВРС деб танилиши учун унда камида иккита устун сарлавҳаси диаметр кўринишида (12, Ø12, ⌀14, 16 мм …) ёки «Итого» бўлиши керак. Акс ҳолда «Очиқ турган жадвал ВРС жадвали сифатида аниқланмади.» хабари чиқади.

Ишлаш тартиби

  1. ВРС жадвалини очинг.

  2. BIMUz лентасида «ВРС калибровка» тугмасини босинг.

  3. Устунлар текширилади ва ҳисобот чиқади.

Натижа

  • Диаметр устунлари ва «Итого» устуни аввал вақтинчалик очилади, жадвал янгиланади, кейин ҳар бир устун текширилади.
  • Устунда камида битта қатор 0 дан фарқли сон бўлса — устун кўринади; ҳамма қатор бўш, 0 ёки сон бўлмаган матн бўлса — яширилади.
  • Ҳисобот: «ВРС янгиланди.» ва «Яширилди: N», «Қайта очилди: N»; ўзгариш бўлмаса — «Ўзгариш киритилмади.»

Қоидалар ва маслаҳатлар

  • Диаметр аниқлаш сарлавҳа матни бўйича бажарилади (устуннинг «Сарлавҳа» майдони, бўлмаса майдон номи), шунинг учун сарлавҳада ортиқча сўз бўлмаслиги керак.
  • Арматура ўзгарганда буйруқни қайта ишга туширинг — янги диаметр устунлари автоматик очилади.
  • Ўзгаришлар битта транзакцияда: Ctrl+Z ҳаммасини қайтаради.

Revit'да BIMUz тугмаси устида F1 босилса, шу саҳифа очилади.